აგვისტოს მოვლენებამდე ტურიზმი საქართველოში, შეიძლება ითქვას, ქაოტურად, მაგრამ მაინც ვითარდებოდა. სტატისტიკის და ტურიზმის დეპარტამენტის მასალებზე დაყრდნობით ქვეყანაში შემომსვლელთა რიცხვი ყოველწლიურად მატულობდა. 2004 წელს საქართველოში 368’321 ათასი ტურისტი შემოვიდა, 2005 წელს - 560’021, 2006 წელს - 983’114, ხოლო 2007 წელს ტურისტთა რაოდენობამ 1’300’000 გადააჭარბა. ასეთია ოფიციალური სტატისტიკა, რაც რეალურ მაჩვენებლებს, ალბათ, ცდება. თუმცა ამ ციფრების დინამიკაც ცხადყოფს აგვისტოს მოვლენებამდე ქვეყანაში ტურისტთა შემოსვლის ზრდის ტენდენციაზე.